Крај на дискриминацијата на Албанците во Македонија или интервенција на САД?!

Ширлеи Клоис Диогуарди, експерт за балканските прашања од албанско-американската лига пред Конгресот во Конгресот на САД донесе факти за тоа како Албанците во Македонија, иако се во голем број како заедница, со околу 30 отсто од вкупното население, сепак, не уживаат целосни права, како што се користењето на јазикот и се третирани како граѓани од втор ред.

Со нагласување на неефикасноста на Дејтонскиот Договор, кој ја реши војната во Босна, но не успеа да го реши конфликтот на Балканот, Клоис Диогуарди го изрази ставот дека САД дефинитивно треба најпрво да се фокусираат на прашањето за Македонија, пренесува ИНА.

„Македонија е единствената земја во Западен Балкан каде ниту една етничка група нема вистинско мнозинство. Но, континуираниот неуспех за почитување на човековите и граѓанските права за сите овие етнички групи во Македонија, доведе до вооружениот конфликт во 2001 година. За да се стави крај на овој конфликт, Европската унија и САД влегоа во преговори со Македонците и Албанците, нешто што резултираше со Охридскиот Договор. Овој договор се претпоставуваше дека ќе донесе еднаква застапеност на сите национални групи во државната администрација, како и еднаква распределба на економските ресурси. 17 години подоцна, одредбите кои се занимаваат со правдата, зајакнување на владеењето на правото, армијата, разузнавачките служби, заедно со фискалната децентрализација останува да се спроведат”, рече Диогарди во нејзиното сведочење, како дел од панелот пред американските конгресмени.

Постигнувањето на етничката еднаквост во Македонија е доведена во прашање, албанскиот јазик е втор службен јазик

Објаснувајќи ја историјата на гласањета во Парламентот, и гласањето на законот за албански јазик и платформа на Албанците, таа продолжи со нејзиниот исказ каде што вели дека: „Уште еднаш, постигнување на етничка еднаквост во Македонија е доведена во прашање. Во јануари 2018 година, Собранието на Република Македонија по втор пат го донесе законот кој албанскиот јазик го прави втор службен јазик, според договорот постигнат меѓу партијата на премиерот Зоран Заев, СДСМ и албанските партии. Меѓутоа, македонскиот претседател Ѓорге Иванов стави вето и во двата случаи, тврдејќи дека усвојувањето на втор службен јазик е закана за суверенитетот на Македонија, единството и нејзиниот територијален интегритет. Уставот на Македонија го санкционира усвојувањето на законот со две третини од гласовите во Парламентот, нешто што сé уште не се случило. Второто најважно прашање на албанската платформа е децентрализацијата на фискалниот буџет. Ставање крај на дискриминацијата на Албанците, гарантирајќи им еднакви економски можности и можности за социјален раст во областите со мнозинско албанско население, ќе доведе до значително намалување на можноста за конфликт во иднина. Прашањето е дали САД и Европската унија ќе интервенираат за да се договори план за постигнување еднаквост меѓу Македонците и Албанците, пред Македонија да стане членка на НАТО. ”

Меморандум потпишан од албански интелектуалци во Македонија, во кој што двете главни точки се поврзани со промена на македонскиот Устав

По сослушувањето, поранешниот конгресмен Џое Диогарди, претседател на Албанско-американската граѓанска лига, ексклузивно за новинската агенција ИНА ја потенцираше важноста на оваа дискусија и пренасочување на вниманието од Босна кон албанското прашање, особено во Македонија.

„Во такви случаи, многу е важно Конгресот да биде информиран. Информациите се многу важни. Ширли беше единственaта која истакна дека Дејтонскиот договор не им дозволи на Албанците да бидат дел од преговарачката маса. Затоа што Милошевиќ му го постави како услов на преговарачот Ричард Холбрук. Така, во такви случаи, како што беше овој случај со оваа расправа за Босна, треба да ја искористиш ситуацијата. И јас всушност тоа и го направив. Кога слушнав дека ќе се одржи оваа седница му се јавив на организаторите, претседавачот на Поткомитетот за надворешни работи на Претставничкиот дом, конгресменот Дана Рорабачер за дел од дискусијата да бидат и Косово и Македонија “, рече Диогарди за ИНА.

Диогуарди на присутните им го претстави меморандумот потпишан од некои албански интелектуалци во Македонија, во кој што двете главни точки се поврзани со промена на македонскиот Устав, со што ќе се одразува новата реалност, еднаквоста меѓу Албанците и Македонците, како и прашањето за името за кое се доставуваат предлози за Република Скопје; Централна Балканската Република или Мултиетничка Република Македонија.

ШОК: Две родилки во Скопје се инфицирани од Ковид19, едното бебе починало

Две жени, кои што се породиле во изминативе два дена на Клиниката за гинекологија се заразени од корона вирус, дознава Канал 5 од извори од здравство.

Се работи за родилки од Куманово и од Охрид, а бебето на едната од нив, за жал починало, но не е позната причината за смртта. Неофицијално, тие во Клиниката дошле со симтоми на вирусот.

Од Министерството за здравство во изминатиот период најавија дека само тешките случаи на бременост и породување ќе се извршуваат на Клиниката за гинекологија, каде меѓудругото, ќе се примаат и родилки со корона вирус. Полесните породувања ќе се изведуваат во болницата во Чаир..

Спасовски: Работниците кои ќе останат без работа поради кризата ќе добиваат надомест од државата согласно нивниот стаж

Сите граѓани кои ќе останат без работа поради кризата предизвикана  од ширењето на коронавирусот, од државата ќе добиваат надомест во висина од 50 проценти од нивната месечна плата во измината година. Времетраењето на исплатата на надоместокот ќе зависи од должината на работниот стаж на работникот.

-За граѓаните кои ќе сотанат без работа поради кризата државата ќе исплаќа паричен надомест секој месец во висина од 50 отсто од месечна нето плата на работникот за последните 24 месеци согласно Законот за вработување и осигурување во случај на невработеност и член 68 од овој Закон. Според овој член граѓаните кои останале без работа ќе остварат надомест преку Агенцијата за вработување согласно нивните години на работен стаж. Така за пет години работен стаж следува четири месеци надомест или за 24 години стаж 12 месеци надомест, појасни на денешната прес-конференција премиерот Оливер Спасовски, образложувајќи го вторит сет мерки за спраување со последиците од кризата.

Тој најави и дека надомест од седум илјади денари по домаќинство ќе има за лица без работен ангажман или лица кои биле дел од неформалната економија.

-За оние лица кои останале без работен ангажман или биле дел од неформалната економија, обезбедуваме брз влез во системот на социјална заштита за април и мај. Тие просечно ќе добиваат по седум илјади денари по домаќинство. Проценетиот опфат на преземените мерки изнесува околу 30 илјади нови домаќинства од неформалната економија и 30 илјади постоечки корисници, рече премиерот.

Во сетот мерки што ги донела владата е и мерката за одложување закуп за корисници на социјални станови .

-Се одложува плаќањето закупнина за сите корисници, а исто така ќе се одложи и плаќањето и за закуп за граѓаните, додека за фирмите ќе се донесе посебна одлука во однос на плаќањето на кириите на закуп кај сите закуподавачи, појасни премиерот Спасовски.

Спасовски: Три оброка, сместување и вода имаат сите што се во државен карантин

Ирелвантно е каде се сместни лицата во државен каранитн, важно е дека мора да останат и да се изолираат 14 дена и на тој начин да го намалиме ризикот од ширење на кронавирусот. Во овој момент нема поважна работа од тоа дека треба да ги заштитиме нашите семејства и нашите граѓани, не може да биде поважно какви се собите и какви се условите во кои се спроведува државниот карантин иако секаде има добри усови, со добра храна и со добра организација, порача денеска премиерот Оливер Спасовски.

– Најважно е секој од нас да помисли што треба да направи најмалку за себе и за државата во овие моменти на вонредна состојба. Овие луѓе се дојдени од критичните подрачја, но не се луѓе кои се заболени, туку треба да бидат контролирани во самоизолација со цел да спречиме евентуално понатамошно ширење на вирусот. Треба да го имаат истото разбирање кога се наоѓаат во државен карантин како што беа во моментите кога сакаа или бараа од Владата да се вратат назад во нашата земја. Направивме се и понатаму ќе правиме се за сите наши граѓани, но најмалку што треба да прават тие е да бидат коректни и да бидат на ниво на одговорноста во оваа ситуација. Сега е вонредна состојба и сите имаме одговорност пред нас, пред граѓаните и државата, рече Спасовски во одговор напрашање на денешната прес-конференција. Тој ги повика лицата кои се во државен карантин да не шират дезинформации.

– Основниот пакет во државниот карантин како сместувањето, трите оброка и водата го имаат сите кои се наоѓаат во државен карантин. Ако некој сака дополнителни услуги во хотелот да земе плус од она што е определено од државата тоа е нешто што се наплаќа. Мислам дека тука настануваат најголемите забуни, потенцира Спасовски. Премиерот посочи дека секаде се обезбедува лекарска контрола и грижа врз основа на проценките кои ги прават лекарите и врз онсова на состојбата која ја имаме на терен.

– Колку повеќе недисцилина во спроведувањето на мерките, толку повеќе новозаболени и толку повеќе се отвораат услови за уште порестриктивни мерки. Затоа е многу важно сите во државата да помогнеме што е можно пократко да трае кризата и да имаме што е можно помал удар врз економијата. Сите да направиме се за да си помогнеме себе си и да и помогнеме на економијата. Владата ќе направи се како што прави и досега за да се заштитиме како граѓани и да и помогнеме на економијата, нагласи премиерот.

Спасовски прецизира дека досега има десетина лица кои не ја почитуваа мерката за самоизолација заради што беа  сместени во државен карантин. 

Популарно