Ново ВИДЕО на Ла Верита: Наредба има од Брисел да се молчи

Новинарот на Ла Верита, Ларис Гајзер, утрово излезе со видео колумна за македонскиот случај Pekет. Преводот на овој текст,  да го прочитате во продолжение:

Објавата на Ла Верита од минатите денови по однос на аудио и видео материјалот за активностите околу pekeтирањата што се случиле во изминатите години во Македонија, со знаење на канцеларијата на специјалната обвинителка предводена од Катица Јанева, се претвори во вистински политички и социјален земјотрес.

Нашата редакција, како и долупотпишаниот, беше преплавена на дневна база, од илјадници пораки за поддршка и благодарност. Скоро и да немаше kpитики и закани што вообичаено ги има во вакви случаеви.

На сајтот, на тема за надворешна политика, високо надминавме над милион контакти. Можеме да кажеме дека Ла Верита на македонската популација и направи услуга од јавен карактер, размрдувајќи некои стагнирачки ситуации и враќајќи му ја довербата на еден народ сведен на константна изолација на којашто ЕУ изгледа дека го осудила со цел да го оствари планот за ограничување на суверенитетот на земјата.

Македонците се еден горд народ, разочаран од kopупцијата, и патат уште повеќе кога ситуацијата, дури и само индиректно, е поддржана од ЕУ.

Треба да се напомене дека баш Ж.К.Јункер и Могерини инсистираа силно за специјалната обвинителка. Токму заради тоа, сензационалните откритија на нашиот весник предизвикаа и внатрешни и надворешни тeнзии.

Внатрешно, опозицијата предводена од Х.Мицкоски тврди дека Ла Верита јавно му покажала на широкото граѓанство докази за една огромен политички и судски октопод, што премиерот Зоран Заев треба да го земе предвид и да си поднесе оставка. Тој (ЗЗ) засега целата случка ја коментира само преку фејсбук пост кадешто вели дека ликовите го злоупотpeбиле неговото име.

Од затворот во кој се наоѓа токму поради случајот Pekeт анализиран од нас, Боки13 му одговорил, преку еден српски весник, дека доколку се поce гне по нeговиот живoт, доказите за вмешаноста на Заев се наоѓаат кај мајка му. Од меѓународна гледна точка пак, освен фактот што нашите вести беа преземени од бројни медиуми, меѓу кои оние од Германија, Албанија, Србија и Словенија – првата со реакција беше Франција.

Нејзиниот амбасадор изјави дека македонските власти треба да дадат јасни одговори по однос на скандалот обзнанет од нас, пред Брисел да почне да го анализира приближувањето на МК кон ЕУ.

И токму од унијата, којашто сметавме треба да се преиспита уште пред неколку години бидејќи, преку Могерини, беше главен спонзор на СЈО и на многу меѓународни трауми нанесени на МК, стигна најпоразувачката порака, тотален молк.

Без разлика на летниот период, илјадници вработени во внатрешните служби на ЕУ, од кои 220 во делегацијата во Скопје, не успеаја да изнесат ниту еден институционален извештај со надеж брзо да се разјаснат фактите.

Наредбата од Брисел да се молчи и да се избегнуваат дополнителни штети на имиџот сигурно била пренесена на кристално јасен начин.

Толку јасен што и на Дорис Пак ѝ станало јасно дека нешто не чини, децениски парламентарец задолжена за проширувањето на Балканот и без никаква дилема една од најмоќните политички фигури од ЦДУ и Германија, и актуелна претставничка на ЕПП.

Дорис Пак објави силен апел вчера на социјалните мрежи, со барање за итна реакција , кон надворешните служби на Унијата, запрашувајќи се како Могерини може да молчи пред криминалната реалност обзнанета од третото видео објавено на сајтот на Ла Верита.

Во 2015г, токму ЕУ инсистираше за СЈО, што му нанесе многу штета на Македонскиот народ. Денес, тие од ЕУ задолжително би требало да одговорат, особено на оние внатре во македонска администрација, коишто во изминатите месеци го ризикуваа животот помагајќи ни во објавувањето на материјалот, убедени дека сѐ уште е возможно да се има вистинска демократија базирана на информирано јавно мислење и контрола на политичарите.

Што се однесува до нас, продолжуваме со проценување на конкретноста и на правната изводливост со цел потенцијално објавување на друг аудио материјал .

Засега се надеваме дека македонскиот народ конечно може да добие вистинска поддршка од странските престолнини, коишто досегa воделе политика од сенка. 

Во Крушево одбележан роденденот на Тоше, до јуни ќе биде готово спомен-обележјето на Гумење

Достоинствено, со повеќе настани, со почит пред Гумење, со роденденска торта и многу емоции, Крушево и фановите од земјава и странство денеска го одбележаа 25 јануари, роденденот на големата македонска и балканска музичка ѕвезда и хуманистот Тоше Проески.

Тортата од семејството на Тоше и онаа од фановите од Бугарија од изутрината им се делеа на посетителите на Гумење.

Арена Сидоркина, Москва, Русија вторпат доаѓа во Крушево само за Тоше, за неговата музика, ангелскиот глас и за чувствата што тој ги предизвикува.

– Многу го сакам Тоше, неговите песни, хуманитарните работи. Вторпат доаѓам во Крушево поради него. Дознав за него при посета на манастир во Црна Гора кога ги слушав попат песните на Тоше, вели Сидоркина.

Наташа Кондрашова од Русија, сега „крушевска снаа“ смета дека Тоше пред се, беше голем човек.

– Прво го чувствувам како човек, голем хуманист, со големо срце, а и голем музичар. Ова се моменти на огромни чувства, вели Кондрашова.

Оксана Данаилова од Благоевград, Бугарија вели дека не пропшушта да дојде на 25 јануари во Крушево за Тоше.

– За 25 јануари сум тука, во Крушево веќе петта година. И секогаш носиме торта за роденденот на Тоше. Традиционално, од фановите од Бугарија, една ја прави тортата. Годинава не можеше да дојде од Ќустендил. Тогаш, јас од Благоевград ја зедов тортата и дојдовме тука. И секогаш носиме торта за роденденот на Тоше. Македонија денес треба да има празник оти Тоше се родил и преку својата музика шири љубов не само на Балканот, затоа има фанови од Русија, од Бугарија, од другите земји. Денес ја слушнав мислата за Гоце Делчев кој го разбирал светот како културен натпревар. Тоа беше и идејата на Тоше за културно обединување и натпревар, вели Данаилова од Бугарија.

Крушевчанецот Јане Андрески, поранешен градоначалник на Крушево и добар познавач и близок на Тоше истакнува дека тој имаше посебна дарба да ги зближува и да ги сплотува луѓето.

-Тоше беше посветен на тоа што го работеше, на неговата поврзаност со Бога и со религиозните чувства. Но, мислам дека имаше посебна дарба – да ги поврзува луѓето. Тоа се случи на неговите концерти во Босна, во Сараево кога ги зближи луѓето кои претходно се гледаа преку нишанот, изјави Андрески.

Спомен куќата на Гумење беше средиште на сеќавање и повеќе настани: цртежи и лични творби за Тоше, уникатни изработки, преработки на неговите песни, традиционална крводарителска акција. Има и нов експонат, вели директорката на спомен-куќата Елена Мирчевска.

– Имаме многу настани и го одбележуваме овој ден достоинствено. Посветени се учениците од средното крушевско училиште „Наум Наумоски-Борче“ и од основното „Никола Карев“. Посебно е тоа што, според програмата од Министерството за култура, првпат ја изложивме облеката што Тоше ја носеше кога ја претставуваше Македонија на Евросонг 2004 година. Тоа е реплика. Инаку имаме околу 700 експонати и традиционално за роденденот на Тоше, ги обновуваме. А посетителите за овие осум години се преку 650.000 од кои 30 отсто од странство, посебно од балканските земји, а чести се посетителите од Русија, од Холандија, Чешка, Нов зеланд, Австралија, вели Мирчевска.

Конечно, по 12 години се гради спомен-обележјето. Од Владата се обезбедени 10 милиона денари, обележјето е симболично и треба да биде готово до јуни, нагласува претседателот на крушевскиот Совет Тома Петроски.

-Обележјето е симболично. Во основата е во форма на крст како симбол на Тошевата религиозна припадност и вербата во Бога. Инаку, однадвор впечатокот за обележјето е како две раце склопени во молитва. Споеред приликите, треба да биде готово до јуни, а може и порано, објаснува Петроски.

Извор: telma.com.mk

Во тајна група на „Телеграм“ средношколци споделуваат ЕКСПЛИЦИТНИ ФОТОГРАФИИ И ВИДЕА ОД ВРСНИЦИ

Во затворена група на апликацијата „Телеграм“ средношколците од државата споделуваат и коментираат на интимни фотографии и видеа на маолетни девојчиња. Групата функционриа повеќе недели и веќе има над 7.400 членови.

Таа е позната како „Јавна соба“, а за нејзиното постоење се шпекулира веќе еден месец, но сега јавно се осмелија да проговорат дури и професори од средните училишта кои се загрижени за безбедноста на учениците, но и општо, за приватноста на оние чии слики се споделуваат без нивно знаење.

„Ова е група во која се споделуваат фотографии од малолетни девојчиња, од 12, 13 години и малку повозрасни. Фотографиите се преземени, не само од отворени Инстаграм профили туку и од приватни пораки меѓу двајца соговорници (девојки кои претходно испратиле приватни интимни фотографии до свои пријатели или до партнери). Во оваа група може да се пристапи со лажен профил, па во неа веројатно има и возрасни лица. Прегледот на оваа група покажува дека ова е платформа во која се објавуваат порнографски материјали на малолетни девојчиња и тоа со име и презиме или само со име и место на живеење. Секој член на групата може да ја зачува објавената фотографија и истата да ја користи за свои цели“, сведочи професорка од едно средно училиште во Скопје.

Членовите на групата бараат разголени фотографии од девојчиња од Кавадарци, а бараат и фотографии од девојки со конкретни имиња и презимиња.

Неколку средношколци кои пристапиле до групата велат дека дел од сликите кои се објавуваат и коментираат се преземени од отворени профили на други социјални мрежи. Сепак, додаваат дел биле испратени преку приватни пораки, но потоа се нашле во „Јавна соба“.

Професорите велат дека ова е аларм и институциите треба да реагираат, бидејќи ова е крајно загрижувачка, сериозна опомена дека децата, воспитанието и нивното образование се најзапоставените приоритети.

Лоши вести за Македонците кои чекаат бугарски пасош

Вчера до редакцијата на Галама стигна порака со фотографија од одбиено барање за Бугарски пасош, кое веќе ги имало поминато позитивно сите претходни постапки кои се предвидени при процедурата за барање државјанство во оваа наша соседна земја.

-Веќе една година, моето досие стоеше како одобрено и чекаше само потпис од Заменик Претседателот. Денес ми стигна известување дека сум одбиен, без никакво образложение, ни изјави апликант од источниот дел на Македонија кој сакаше да остане анонимен.

Нашиот соговорник дополнува и дека ,,посредниците” за бугарски пасоши, кои во источниот дел од нашата држава ги има во огромен број, апелираат до оние кои сакаат да поднесат нови барања, да не го прават тоа, бидејќи ќе бидат одбиени.

Izvor: Galama

Популарно