Героски: Дали тоа Зоран Заев мене ми се заканува?

Новинарот и уредник на ПлусИнфо, Бранко Героски на својот Фејсбук профил повторно му се обрати на премиерот Зоран Заев:

- ШОКАНТНА, ДИСКРИМИНИРАЧКА, ЗАКАНУВАЧКА И СРАМНА ИЗЈАВА НА ПРЕМИЕРОТ ЗОРАН ЗАЕВ

Шокиран сум од изјавата на премиерот Зоран Заев. Особено што тој со половина од "криминалците" што ги спомнува бил во директна или посредна комуникација. "Педерот" што го спомнува го крунисаа тој и неговите министри и градоначалници.

Дали кога вели "еден суетен новинар" мисли на мене? Ако мисли, нека собере храброст тоа јавно да го каже. И прашувам јавно - дали тоа Зоран Заев мене ми се заканува?

Како и да е, барам премиерот Зоран Заев веднаш јавно да се извини за оваа срамна, крајно безобразна и дискриминирачка изјава, од која извираат нетрпеливост, закани и говор на омраза.

Очекувам јавноста, институциите што се овластени да ги штитат граѓаните од дискриминација, новинарските здруженија и претставниците на меѓународната заедница да ја осудат оваа скандалозна изјава на премиерот Заев.

ВМРО-ДПМНЕ: Ако вирусот слабее, зошто народот се држи затворен 3 дена?

Ако Филипче и Заев велат дека сме ја победиле заразата и дека вирусот слабее, зошто тогаш го држат народот затворен три дена, реагираат од ВМРО-ДПМНЕ откако министерот за здравство изјави дека вирусот слабее и дека најголемиот дел од новите случаи се шират во познати кластери.

„Се случува тотално фијаско во справување со кризата произлезена од корона вирусот. Бројката на новозаболени со Ковид 19 енормно се зголемува од ден на ден, а власта нема никаква стратегија. Додека луѓе умираат секојдневно, Филипче и Заев ни велат не умираат“, велат од ДПМНЕ на Мицкоски.

Од таму истакнуваат дека потребно е масовно тестирање и скрининг на ризичните групи, меѓу кои и здравствените работници.

Вработен во агенција за поддршка на земјоделието позитивен на КОВИД 19

Еден вработен во агенцијата за финасиска поддршка во земјоделие неделава е дијагностициран за позитивен на корона вирус. Претходно по Рамазан Бајрам дошол на работа и колегите ги почастил баклава, велат вработени од агенцијата за zase.mk. 

Тие испаничени барале директорот да превземе нешто или да се изолираат, но тој им рекол да не се шири информацијата и не им дозволил да се самоизолираат. Сите членови на семејство на заболениот биле позитивни на КОВИД 19, а нажалост татко му починал пред два дена.

Вработените во агенцијата за zase.mk велат дека никој не превзема никакви мерки за да се зачува нивното здравје. Според нив додека трае корона кризата ниту еднаш не била направена темелна дезинфекција во агенцијата, а од понеделникот се вратени сите на работа со цело работно време. Не се знае дали и какви мерки ќе бидат превземени од понеделник.

177 позитивни на КОВИД-19, 105 во Скопје

Денеска нов рекорд на новозаразени со Ковид 19. 177 позитивни од кои дури 105 се во главниот град, дознава Сител. Според информациите овие бројки се од околу 1600 тестирања. Освен во главниот град, другите новодијагностицирани се во кумановскиот и тетовскиот регион.

Ова е најголема бројка досега од појавата на корона кризата во земјата. Вчера имаше 119 случаи, и според здравствените власдти најголем број од случаите се поради семејни собири каде не носеле маски и не одржувале дистанца. Според епидемиолозите добро е што најголем број од потврдените случаи овие денови немаат потреба од болнички третман.

Популарно