ЛГБТИ: НЕ Зоран Заев, ЛГБТИ заедницата нема да ти прости!

Само неколку минути по објавувањето на изјавата на премиерот Зоран Заев, кој коментирајќи ја аферата „Рекет“, рече дека нема да дозволи некој да го инволвира него, ниту пак, „неколку криминалци, еден суетен новинар и еден педер“ да ја срушат Владата, социјалните мрежи се преплавија со реакции.

„Што му е на премиерот?“, „Ќе следуваат ли сега извинувања до небо?“, „Ќе му прости ли ЛГБТ заедницата на Заев?“, се само дел од реакциите на социјалните мрежи.

Уранија Пировска, извршната директорка на Хелсиншкиот комитет за човекови права на својот Фејсбук профил напиша дека „се што се правело досега било тешка демагогија“.

„Гнасно по многу основи! Толку од прифаќањето на различностите и нивното почитување! Тешка демагогија било се што се збореше и правеше претходно! НЕ Зоран Заев, ЛГБТИ заедницата нема да ти прости!“, напиша таа.

И програмската координаторка на Хелсиншкиот комитет, Билјана Гинова, напиша:

„Нема да дозволам хомофоб да ни ја води (доуништи) државата, нека ми извинат политичарите“.

Луми Бекири, активист за човекови права, вели дека зборот „педер“ се смета за навредлив и политички некоректен пејоративен израз за да се означи геј популацијата и дека Комисијата за заштита од дискриминација треба да поведе постапка.

„Тој израз особено не смее да се користи од луѓе на моќ, а и не се користел од ниеден политичар до сега при јавен настап во Македонија, дури ни од оние најхомобичните и најнеписмените – ко поранешниот премиер Груевски. Првенствено, доколку со таквиот израз се мисли на лицето Бојан Јовановски, истиот никогаш се нема декларирано за својата сексуална определба јавно, па така премиерот веројатно знае од некои други извори за тоа па го опишува истиот на навредлив начин. Друго, и да е најдолното суштество на оваа планета, ниеден граѓанин не заслужува да биде нагрден со такви пејоративни епитети од страна на еден премиер, кој треба да е еднаков за сите. Се надевам дека ќе се покрене постапка во Комисијата за заштита од дискриминација за овој скандалозен случај, а случајот “Рекет” конечно ќе довие некаква разврска и правдата да победи“, напиша тој на својот профил на Фејсбук.

Фросина Ременски за „Џандар збира“ на својот сопруг

По најавите на Јовче Ременски преку својот „Фејсбук“ профил дека од понеделник ќе има „џандар збира“, се огласи и Фросина Ременски и застана во негова одбрана.

- Ах тој СЛЕНГ ...„Спотер“ е збор што се користи во играње џамлии и означува стекнување право на дополнителен удар преку поткачување на една џамлија. Се работи за еден вид верижен процес, односно за индиректен удар од првата џамлија врз третата, извршен преку допир со посредникот. Често, спотерот е намерен, односно значи „подместување" до џамлијата на ортакот за тој да може да се приближи до противникот и да го гаѓа на сигурно.  "Спотерот" го има и во други "игри", како на пример, во билијардот или "параполициски операции".  Во скопскиот СЛЕНГ буквално значи доброволно подместување за некој друг да ќари, или во поширока смисла – беспоговорно, слепо, сервилно и некритичко поддржување на некого или нешто, и тоа сè заради личен интерес, напиша таа.

- Во полициските науки сеуште нема лингвист/професор јунак што покрај полицискиот терминолошки речник ќе напише речник на македонски полициски жаргони. Ова не е затоа што нема кој да напише и истражи, туку затоа што кај нас нема воспоставен полициски жаргон со кој се служи полицијата во своите полициски постапувања. 

За среќа полицијата го препознава СЛЕНГОТ на криминалните групи и лесно идентификува индиции за криминални дејствија.

СЛЕНГОТ или жаргонот во полициите во САД и други земји е дозволен, но кај нас ниту го има, ниту може да биде јазик на комуникација интерно и екстерно во полициските кругови. 

Вревата околу "Џандар збира" и преводот што си го направија со "полициски СЛЕНГ", како и филмовите околу тоа е безобразно ефтин продукт на СЛЕНГ пропагандата во смисла на онаа народната "Гладна кокошка просо сонува".

Соновник да напишевте попродуктивен ќе беше, вака и партија карти не знаете да изиграте, додава Ременски.

Ахмети: Не е „Рекет“ местенка, туку алчност

„Пред лицето на правдата треба да биде изведен секој кој ги прекршил законите“, вели лидерот на ДУИ Али Ахмети кој бара до крај да се расветлат сите околности околу случајот „Рекет“.

„Не сметам дека ова е сценарио на некакви кругови и наметнато од страна. Тоа настанало во околности кои треба да се истражат и расветлат. Тука станува за личната алчност на поединци.

‘Алчноста го уништува човекот“ е израз на нашиот народ со кој сé се објаснува. Секако дека е скандал и тоа ме разочара“, рече Ахмети.

Дали Боки 13 и Јанева се „дружат“ во Шутка?

Специјалната јавна обвинителка Катица Јанева, поради безбедносна проценка на затворската управа, е во посебен оддел на истражниот затвор Скопје, заедно со уште една приведена, вели директорот на затворот Есад Рахиќ во интервју за Радио Слободна Европа.

Во принцип ниедно притворено лице не е само. Секогаш мора да има уште еден. Меѓутоа, со оглед на тоа дека станува збор за личност, која била специјален обвинител од посебен општествен интерес, и бидејќи тоа е така брзо направено, ние сметавме дека во еден временски период треба да направиме комплетна проценка од безбедносен и здравствен аспект, изјави Рахиќ во интервјуто, што ќе се емитува в недела.

На прашањето, пак, од Пресинг ТВ, дали е можно во рамки на затворот да контактираат Јанева, Боки 13 и Зоки Кичеец – Рахиќ кусо ни одговори – не!

Популарно