Власта не ја дава Катица Јанева

Со 58 гласови пртоив, од кои мнозинството пратеници од СДСМ и ДУИ, на денешната собраниска седница беше отфрлен предлогот од координаторот на пратеничката група на ВМРО-ДПМНЕ, Никола Мицевски, како прва точка на дневниот ред да се стави одлуката за разрешување на специјалната обвинителка, Катица Јанева.

Власта на СДСМ и ДУИ го одби предлогот, Јанева да биде разрешена согласно веќе усвоената препорака на Комисијата за избори и именување и Советот на јавните обвинители, како и дополнителниот аргумент што таа е во притвор и е осомничена за случајот „Рекет“, а истовремено дава и одлуки и наредби од притвор, кои се противзаконски.

Мицевски рече дека власта свесно го избегнува разрешувањето на Јанева бидејќи ова е последна седница на Собранието пред 15 септември кога и законски истекува нејзиниот мандат. Според Мицевски ова е јасна порака дека власта се става во одбрана и заштита на Катица Јанева.

Талат Џафери во процедурална забелешка потенцираше дека нема никаква правна пречка разрешувањето на Јанева да се најде на денешната седница, порачувајќи дека таа точка не ја ставил на дневен ред проади тоа што имало начелен договор меѓу партиите разрешувањето на Јанева да оди на посебна седница, без да прецизира дали воопшто има време таа да се закаже пред 15 септември.

По ова, координаторот на ВМРО-ДПМНЕ уште еднаш ја обвини власта дека се става во заштита на Јанева која се наоѓа во притвор и побара 1 час пауза за да може да искомуницира со медиумите и да им ја објасни новата ситуација.

Од СДСМ сè уште нема коментар. Тие прес-конференцијата на својот портпарол Костадин Костадинов ја најавија за во 14 часот.

За разрешување на Јанева потребно е двотретинско мнозинство.

Малиот херој кој го преплива Охридското Езеро по номинацијата од ТВ “Алфа” ја доби „Светската награда за млад хуманист“

Сите го нарекуваа „Херојот на Охрид“. Во 2018 година за 9 часа го преплива Охридското езеро. Следната година, Марко пред себе си постави невообичена цел, а тоа е да преплива 64 км долж Охридското езеро.

По препливани 12 километри, Марко мораше да го прекине остварувањето на предизвикот кој си го постави пред себе.

Токму поради неговата исклучителна сила Алфа телевизија одучи да го номинира Марко Пејчиновски за „Светската награда за млад хуманист“, а членовите на интернационалното жири едногласно одлучија ова признание да му биде доделено токму нему.

„Исклучителната сила на неговиот карактер, неговата моќ да ја сподели љубовта со сите, беше основната причина на нашата определба да му го доделиме ова високо меѓународно признание. Неговата волја е исклучителна чест што треба да биде признаена во македонското општество, и нашето Интернационално жири се приклучува во тој голем морален чин. Доделувајќи му го ова признание, Интернационалното жири на „Светската награда за млад хуманист“ го одбележува и со специјалната назнака дека Марко Пејчиновски е всушност интернационална млада надеж за 2020 година.“

Младиот хуманист, испрати силна порака, а таа е следната: Никогаш да не се откажуваме.

Видеото може да го погледнете  ТУКА.

Крушево се подготвува да го одбележи роденденот на Тоше

Крушево се подготвува да одбележи уште еден роденден на големата македонска и балканска музичка ѕвезда Тоше Проески. На 25 јануари се навршуваат 39 години од неговото раѓање.

Роденденот на Тоше Проески ќе биде одбележан со пригодна програма во спомен-куќата „Тодор Проески“ на 25 јануари напладне.

Во спомен-куќата ќе се одржат и неколку ликовни изложби, а во официјалната програма ќе настапат „Уникат бенд“ и Сара Ристеска, придружена од Габриела Аврамоска. Свои точки во спомен на Тоше ќе имаат и учениците  од средното крушевско училиште „Наум Наумовски Борче“ и од ОУ „Никола Карев“.

На неговото вечно почивалиште на Гумење ќе му биде оддадена почит на Тоше. И овојпат обожавателите ќе го посетат неговото гробно место. Тоше го загуби животот на 16 октомври 2007 година во сообраќајна несреќа кај Нова Градишка, Хрватска. Годинава се очекува да напредуваат работите со изградбата на вечното почивалиште на Тоше.

И овој 25 јануари ќе биде во знакот на многупати повторуваната реченица: „Тоше има само ден на раѓање“.

Видео: Живот ли е ова: Мајка и син од Велес живеат во беда и без огрев

Оваа одаја која повеќе личи на пештера отколку на соба, вчера беше местото каде што Велешанецот Јордан Јованов го прослави својот именден и 40 ти роденден. Но, немаше славеничка песна, ниту радост во неговиот дом, oбјави ТВ 24. Јордан нема пријатели. Ниту колеги од работа. Единствениот другар е неговата неподвижна мајка Ангелина, овие четири мувлосани ѕидови и подот кој почнал да се поткопува до земја. Студот е секојдневието за овие луѓе. За да заштедат од дрвцата кои им останале, старото ќумбе го палат попладне. До тогаш, 75 годишната Ангелина седи во ладно. Се грее со термофор и шише топла вода в раце. Јордан го трпи студот. Сиромаштија не е вистинскиот збор да се опише животот на овие луѓе – туку беда.

Мајката и синот живеат со 11 илјади денари, кои ги добиваат од државата како нега и надомест за намалена мобилност. Пред 15 години Ангелина преживеала тежок мозочен удар кој ја врзал за кревет. 

Низ солзи раскажува дека итно му е потребна помош за огрев, оти дрва веќе нема. Сметката му е блокирана, откако пред повеќе години некој го насамарил да му биде жирант за кредит, кој никогаш не бил платен. Ова семејство е вистински тест за државата, која себе си се нарекува социјална. На потег се институциите, кои треба да најдат трајно решение за овие луѓе, но и хуманите граѓани, кои барем малку можат да го ублажат страдањето на мајката и синот од Велес.

Контакт: Јордан Јованов 074 600 659

Популарно