Со оваа иновација лицата со оштетен вид ќе може да гледаат

Израелската иновација „ор кам мај ај“ (OrCam MyEye) на слепите и на лицата со оштетен вид ќе им овозможи : читање печатени и дигитали текстови, весници, книги, ресторански менија, знаци, етикети/декларации на производи, екрани на мобилни и компјутери. Се очекува во текот на месецов  да пристигне и кај нас.

Прв корисник ќе биде девојче од Битола.

Како ќе се дистрибуира „ор кам мај ај“ и за кого сè ќе биде достапен, допрва ќе се дефинира, иако првичните контакти со надлежните се веќе направени.

Станува збор за многу едноставна направа, базирана на технологија (софтвер) за вештачки вид. Освен што чита печатени и дигитали текстови, препознава и лица, производи, кредитни картички, пари…

Тежи само 22,5 грама и по принцип на магнет се „закачува“ на рамките за очила.

– Со нашиот паметен уред оспособуваме десетици илјади луѓе кои се слепи или имаат оштетен вид. Им овозможуваме да работат, да функцонираат нормално во секојдневниот живот – рече Рафи Фишер од „Ор кам“ пред македонските новинари кои со поддршка на Фондот за иновации имаа можност да посетат повеќе стартапи во Тел Авив и Ерусалим.

Демонстрирајќи како функционира уредот, Фишер напомена дека „ор кам мај ај“ работи и во темно, а пораките (читањето) ги пренесува преку мини ХД-звучник. Во него е вграден и ГПРС-навигатор.

Апаратчето е способно автоматски да го ажурира и софтверот за вај-фај.

Батеријата трае 1,5 час ако корисникот чита книга или цел ден ако се користи повремено. Уредот сам кажува колку од батеријата е потрошена, а се полни многу брзо, 70 отсто за 15 минути.

– Капацитетот на препознавање е 100 лица (со име и презиме), два милиона различни баркодови и 200 видови производи. Притоа, сè што корисникот чита, останува, се чува во апаратчето. Значи, од тој аспект, смарт уредот е сосема доверлив, безбеден. „Ор кам мај ај“ може да ви каже и колку е часот, ако носите рачен часовник и го приближите накај него, како и да ве предупреди дека некој стои спроти или до вас, дали е машко, женско или дете – објасни Фишер.

На компанијата ѝ требале многу години да го развие производот. Првата генерација „ор кам мај ај“, освен „читач“, имала плус два засебни дела: батерија и жица, кои корисникот морал да ги носи со себе. Но, сегашната, напредна верзија е значително поедноставена. Сè е содржано во една компонента.

Засега, уредот „зборува“ на 25 јазици, меѓу кои јапонски и кинески, а од „нашите поблиски“, руски, чешки и бугарски. Наскоро се очекува да биде достапен и на арапски. Го има во над 40 земји од светот и чини околу 4.500 евра. Во САД ветераните го добиваат без пари, а во Германија го обезбедуваат осигурителните друштва.

– Веќе преговараме и со други земји, како вашата. Бараме партнери, а тоа може да бидат невладини организации, Сојузот на слепи, осигурителни компании. Всушност, ова е одлична основа за почнување бизнис – рече Фишер.

Дополни и дека производот му бил презентиран на принцот Вилијам.

Израелскиот амбасадор Дан Оријан, кој ги организираше посетите на израелските стартапи и постојано ги придружуваше новинарите, информира дека за дистрибуирање на „ор кам мај ај“ во земјава веќе се остварени средби со министрите за здравство и за труд, Венко Филипче и Мила Царовска.

– Дефинирано е и кој ќе биде првиот корисник на „ор кам мај ај“. Се работи за девојче од Битола – откри Оријан.

Уште една израелска приказна овој месец во земјава

Двапати неделно фудбал, двапати неделно дополнителна настава. Вака изгледа „програмата“ на израелскиот стартап, чиј основач Лиран Гераси одлучил да им овозможи на сиромашните деца од помалку развиените региони да се занимаваат со „најважната споредна работа на светот“.

Гераси овој месец треба да дојде во Скопје и да преговара со наши заинтересирани институции, кои би помогнале во спроведувањето на проектот.

– Ако децата не одат на дополнителна настава или ако таму не покажат соодветно, пристојно однесување, ќе го изгубат правото на бесплатно тренирање фудбал, објасни Гераси.

Проектот засега се спроведува во околу 80 земји, меѓу кои оние од Африка, а во регионот во Србија и Црна Гора.

Телото праќа сигнали месец пред да се случи

Иако многумина мислат поинаку, срцевиот удар ретко се случува од ведро небо. Поточно, телото се обидува да не предупреди со денови порано, со недели па дури и со месеци, пред самиот удар, иако ретко ги препознаваме знаците.

Непријатно чувство во градниот кош е еден знак. Кај поголемиот дел од случаите на срцев удар, нападот започнува со непријатно чувство во градниот кош и истото трае малку подолго од неколку секунди или се повторува неколку пати. Пациентите чувствуваат голем притисок и болка. 

Непријатно чувство во горниот дел од телото, како болка и непријатно чувство и во едната или кај двете раце, грбот, вратот, вилицата и желудникот. Болката во грбот и во вилицата почесто се јавуваат кај жените.  Задишаност, вртоглавица и мачнина се исто така знак.

Погледнете што ги уништува вишокот маснотии на стомакот

За жал, најтешко е да ги елиминирате мастите во пределот на абдоменот. Мастите воглавно се наоѓаат во оваа зона.

Стомачните маснотии влијаат на физичкиот изглед, но прекумерното насобирање масти може да предизвика и бројни болести.

За среќа, секогаш можеме да се потпреме на природните лекови, а овој рецепт со сливи ќе ви помогне да ги отстраните маснотиите.

Состојки: 100 гр сливи; 1 л прочистена вода

Начин на подготовка:

Ставете сливи и вода во херметичко шише. Оставете да отстои во фрижидер, а потоа процедете и магичниот лек е готов.

Пијте по една чаша од овој домашен лек секое утро на празен стомак и брзо ќе ги забележите резултатите.

Како до чиста и здрава кожа?

Куркумата е билка која потекнува од семејството на ѓумбирот. Но, нејзините бројни лековити својства сè уште не се целосно откриени и една од најлековитите и најдрагоцени зачини на светот. Куркумата помага при разни кожни заболувања, ја ублажува воспалената кожа, ја намалува хиперпигментацијата, му дава здрав сјај на лицето и се бори против слободните радикали.

Пилингот од куркума е одличен за кожата бидејќи длабински ја чисти, успешно ги отстранува сите мртви клетки и другите нечистотии од површината на кожата, ја поттикнува циркулацијата и го спречува настанувањето на акни.

По редовното користење на овој пилинг ќе забележите одлични резултати. Имајте на ум дека сè што ставате на вашата кожа продира во вашиот крвоток за само 20 минути, па затоа е подобро да користите само природна козметика.

Пилинг од куркума

Потребни состојки:

• ½ лажичка куркума

• ½ лажичка брашно (јачменово, ‘ржано…)

• неколку капки вода или хидролат

Припрема и употреба:

Припремете ја смесата непосредно пред употребата. Измешајте го правот од куркумата заедно со брашното и додадете неколку капки вода за да добиете хомогена смеса. Со кружни движења вмасирајте го пилингот на лицето, вратот и деколтето, а потоа измијте со млака вода.

Напомена: куркумата има силна жолта боја па затоа е потребно добро да го измиете лицето со цел да ја избегнете појавата на жолти дамки.

Популарно