Видео: Кривичен суд одлучи – Ќе има судење за „Рекет“

 На Бојан Јовановски, Катица Јанева и Зоран Милевски ќе им се суди за обвинението од Вилма Русковска, ова е конечната одлука од Кривичен суд.

Советот за оценка на обвинителни акти на затворена седница без присуство на адвокатите ги отфрли нивните приговори и констатира дека се неосновани. Според информациите предметот ќе биде распределен кај судија и се очекува наскоро да се закаже првото рочиште каде што тројцата за првпат ќе дадат исказ, а на оваа одлука на судот, обвинетите немаат право на жалба.

„Приговорите на осомничените се одбиваат како неосновани, а обвинителниот акт се одобрува во целост. Против ова решение, согласно одредбите до ЗКП, не се дозволува право на жалба“, велат од Кривичен Суд.

Според доказите на обвинителството за гонење организиран криминал и корупција тројцата се вмешани во рекетирање на бизнисменот Орце Камчев кој е обвинет во предметот Империја на СЈО. Боки 13 е првоосомничен бидејќи преку пријателството со Јанева успеал да изнуди пари, поранешната специјална јавна обвинителка ја злоупотребила службената положба и се води како второобвинета, а Зоки Кичеец бил посредник на зделката. Во меѓувреме продолжува истрагата и за поврзаноста на Меѓународниот сојуз на Јовановски, за што во домашен притвор е директорката Јасна Мандиќ, а осомничени се уште неколку лица меѓу кои се најде и потпретседателката на Собранието Фросина Ременски.

Македонските газди бараат увоз на работници од странство

Дали Министерството за труд и социјална политика размислува за увоз на работна сила од трети земји, бидејќи нашата заминува и дали државата е фокусирана на ослободување на законската регулатива за ангажирање на работници од странство, е едно од главните прашања на стопанствениците кое беше поставено пред претставници на ресорното министерство и Агенцијата за вработување.

Прашањето го постави Митко Крстевски, претставник на компанијата „Еленица” од Струмица. Образложи дека ова не е само проблем на нашата државата заради масовното иселување, туку е и регионален проблем. Тој смета дека компаниите остануваат без работници, а државата без луѓе врз кои ќе може да ги примени мерките од Оперативниот план за вработување за 2020, за кој се разговараше на панел дискусијата на Локалниот економско социјален совет што се одржа во Струмица.

– И покрај тоа што нудиме плата од 350-400 евра за општи работници никој не се јавува, а имаме ситуација кога има интерес од работници од трети земји, кои таму имаат плата 100 евра и можат да дојдат тука да работат, додаде Крстевски.

Стопанствениците изнесоа податоци дека оваа година во Хрватска имало ангажирано голем број работници од трети земји, а во некои земји од регионот биле формирани компании кои посредувале за ангажирање на странска работна сила.

Прочитајте и...  „Форин Полиси“: Трамп бара 8 МИЛИЈАРДИ ЕВРА од Токио за да остави американски војници во државата

– Градежни работници во моментот доаѓаат од Косово, а од Албанија се присутни насекаде. Измената во законот треба да се направи за признавањето на стажот, бидејќи имаме ситуација со градежни инженери кои работеле по 20 години надвор во познати компании, но нашата Агенција за вработување тоа не го препознава како стаж, рече директорот на ЈП за државни патишта, Зоран Китанов.

Дел од присутните стопанственици побараа Оперативниот план за следната година да биде флексибилен, односно да се прилагодува на динамиката на бизнисот и со тоа да се овозможи и брз проток на работната сила.

– Јас не би давал субвенци и бенефиции на никој, туку да се намалат давачките на сите стопански субјекти и да бидеме сите рамноправни и исти, бидејќи има одредени субјекти кои прават злоупотреби во делот на бенефициите и кои придонесуваат за појава на нелојална кокуренција, а институциите тоа не може да не го знаат и сум фрапиран од инертноста, тромоста и немањето храброст да се спротивставиме на овие аномалии, рече Ванчо Чонев, стопанственик од Делчево.

Прочитајте и...  ФИЛМСКО БЕГСТВО ОД ПОЛИЦИЈА: Скокнал од прозор со радијатор за кој бил врзан, па паднал врз автомобил (ВИДЕО)

И градоначалникот на Струмица, Коста Јаневски забележа дека немањето доволно работна сила и одбивањето работа е голем проблем за сите.

– Јас лично сум сведок како некои луѓе одбиваат работа за 300-400 евра за нивната квалификација или не ја прифаќаат и тоа е за мене феномен. Тоа треба да се земе предвид кога се прават проекции и најверојатно тие луѓе имаат други приходи. Претпоставувам дека се работи за сива економија, која е голем проблем и можеби не е лошо да се размислува за некоја кампања или едукација за надминување на овој проблем, смета градоначалникот на Струмица, Коста Јаневски.

Според Миле Милановиќ од „Струмичката бизнис заедница” стопанствениците активно учествуваат во креирањето на Оперативните планови и сите забелешки кои биле искажани од бизнис секторот биле имплементирани во планот за 2019 година.

– Убаво е за оперативниот план за 2020 година да се слушне гласот на „Струмичката бизнис заедница”. И оваа година наша забелешка е синхронизирано, односно хронолошки и пред време да ни ги најават мерките за да може да ги внесеме во нашите развојни планови во компаниите и во развојните планови за зголемувањето на бројот на работниците, рече Милановиќ, кој се надева дека ќе бидат прифатени нивните забелешки.

Прочитајте и...  Владата го поздрави францускиот нон-пејпер: Добредојдена е секоја идеја која ќе го забрза почетокот на преговорите

Ксенија Вангелова од „Бизнис иновацискиот центар” смета дека за компаниите е поисплатливо да ангажираат искусни работници кои со преструктирање можат да се носат со предизвиците на поквалитетното работење, отколку да ангажираат нови за кои е потребно повеќе време за нивно вклучување во процесот на производството.

Според претставниците на Министерството за труд и социјална политика и Агенцијата за вработување сите предлози ќе бидат инкорпорирани во Оперативниот план за вработување за наредната година. Притоа истакнаа дека мерката „Гаранција за млади” е една од најуспешните мерки и во Струмичко интересот на младите на возраст до 29 година бил мошне голем.

Извор : Слободен печат

Два авиона се судрија на аеродромот во Франкфурт

Како што јавува  ДПА два авиона се судрија на аеродромот во Франкфурт, но нема повредени.

Авион на авиокомпанијата Кориан ер (Боинг 777) удрил во авион на авиокомпанијата Ер Намибија по слетувањето на аеродромот. Оштетено е крилото на намибискиот авион додека на корејскиот авион е оштетен хоризонталниот стабилизатор.

На двата авиона има материјална штета, но нема повредени бидејќи авионот на Ер Намибија се движел со мала брзина кога во него удрил јужнокорејскиот авион.

Пожар во Манастирскиот комплекс во селото Лешок

Изутринава во 2:50 часот во СВР Тетово било пријавено дека настанал пожар во просторија од Манастирскиот комплекс во селото Лешок, Тетовско, при што бил опожарен ситен инвентар.

Пожарот е изгаснат од Противпожарната единица од Тетово, а увид е извршен, информира полицијата.

Популарно