Дали ќе има „мал “ Шенген?

За денеска е најавена уште една средба меѓу српскиот претседател Александар Вучиќ и албанскиот премиер Еди Рама со премиерот Зоран Заев.

Домаќин ќе биде Охрид а токму таму на маса ќе се најде договорот кој тројцата политичари го договораат за „мал Шенген“.

После првата трилатерална средба лидерите на Србија, Албанија и Северна Македонија тие  ветија во заедничка Декларација  слободно движење на луѓе, стоки, услуги и капитал во Западен Балкан дека ќе работат на подобрување на регионалната соработка со цел зголемување на економскиот раст, привлекување инвестиции и подигнување на квалитетот на животот на граѓаните.

Во декларацијата,после средбата во Нови Сад се вели дека потписниците, свесни за одговорноста за обликување на судбините на нивните земји, се посветени на зајакнување на мирот, еднаквоста, владеењето на законот и просперитет за сегашните и идните генерации во Југоисточна Европа.

  

Видео:Сведоштво на пациент кој не верувал во вирусот

Заир Селмани од Куманово верува во бог, ама сега верува и во докторите, кои му го спасиле животот откако се разболел од Ковид-19. Пред две недели, кога со Брза помош го носеле кон Инфективната клиника и стигнал на интензивна нега, бил 99% мртов, вели Селмани за камерата на „Телма“, кому снимката при приемот му покажала дека му се опфатени 90% од белите дробови.

Три деца го чекаат дома, раскажува низ солзи, и признава дека и тој бил еден од оние кои не верувале во вирусот. Сега неговата порака е сосема спротивната; порачува сите да носат маски и да не излегуваат без нив и да ги почитуваат сите мерки и закони. Оние, пак, кои сепак ќе го фатат вирусот, можат да бидат сигурни дека докторите ќе направат сѐ што можат за нив, бидејќи тоа го прават за секој пациент, без исклучок, порачува Селмани.

Прилогот погледнете го во продолжение:

Извор: Телма.мк

Чувствувам жалење за сите вас со кои сум имал контакт

Градоначалникот на Општина Чаир Висар Ганиу на својот Фејсбук профил објави дека е позитивен на Ковид-19. Тој апелира до граѓаните за внимание и почитување на заштитни мерки и препораките.

– По извршениот тест вчера за можноста на заразен со Ковид-19, ве информирам дека резултатот е позитивен. Чувствувам жалење за сите вас со кои сум имал контакт. Заедно ќе го надминеме и ова!, напиша Ганиу.

Нови 76 позитивни на Ковид19

Во последните 24 часа се направени 885 тестирања, а регистрирани се 76 нови случаи на ковид-19.

- Скопје 52

- Куманово 2

- Штип 1

- Тетово 14

- Велес 2

- Гостивар 2

- Кочани 1

- Пробиштип 1

- Кратово 1

Денеска Институтот за јавно здравје регистрира 26 оздравени пациенти.

- Скопје 12

- Куманово 2

- Тетово 11

- Гостивар 1

Во ГОБ „8 септември“ почина пациентка од Струга (56г) примена во болницата на 21 мај како сомнителна на ковид, потврдена позитивна по прием во болница.

Досега во земјата се направени вкупно 31187 тестирања на ковид -19. Од вкупниот број направени тестови во изминатото деноноќие 127 теста се во рамките на скринингот. Тестовите се направени во градинки во Скопје и геронтолошки установи и не се потврдени позитивни случаи на ковид-19.

Вкупната бројка на ковид дијагностицирани во нашата земја од почетокот на епидемијата изнесува 2391, бројката на оздравени пациенти е 1595, на починати е 141, а во моментов бројот на активни случаи во земјата изнесува 655.

Се извинуваме поради доцнењето на денешната статистика со состојбата со коронавирусот, до овој момент се чекаа податоците од приватна лабораторија.

Популарно