ВИДЕО: Хеликоптерот на Коби, датира од годината кога Џордан ги победи Лејкерс

Моделот Сикорски С-76Б со кој летале Коби, неговата 13-годишна ќерка Џана и уште 7 други лица, кој падна во Калабалас во Калифорнија, несреќа при која нема преживеани, е произведен 1991-та година.

Ова го објавија летечките власти, Федералната Авио Администрација на САД. Според регистрацијата, хеликоптерот е на име на Експрес Холдинг Корпорација, фирма од каде се уште не одговараат на телефонските повици, јавува CNN.

Компанијата производител, веднаш упати сочувство до фамилијата Брајант. Овој модел важи за еден од најсигурните во светот на хеликоптерите, пишуваат американските медиуми.

Судбината сакаше годината во која идолот на Коби, Мајкл Џордан ја освои својата прва титула победувајќи во финалето против Лејкерс на Меџик Џонсон, притоа изведувајќи го спектакуларното летачко положување со размена на топката во двете дланки, да биде истата во која е произведен овој хеликоптер…

Втор смртен случај од грип во Македонија, еден пациент во животозагрозувачка состојба

На Универзитетската клиника за инфективни болести и фебрилни состојби почина 85-годишен пациент со масивна бронхопневмонија како компликација од грип од типот AH1. Пациентот имаше и деменција и претходно прележана туберкулоза, информираа од таа јавна здравствена установа.

Ова е втор смртен случај од компликација од грип по минатонеделниот кога девојче почина на Универзитетската клиника за детски болести.

На Одделот за интензивно лекување, како што посочуваат од Клиниката, во животозагрозувачка состојба е 38-годишен пациент, кој има масивна пневмонија и е на механичка вентилација со потврден грип до типот AH1.

Од Клиника за инфективни болести наведуваат дека кај нив се хоспитализирани 47 пациенти со клиничка слика на грип и компликации од кои четири се лабораториски потврдени. Прегледани биле 38 пациенти со клиничка слика на грип од кои двајца пациенти со бронхопневмонија како компликација се задржани на болничко лекување. Најголем дел од пациентите се на возраст од 15 до 64 години.

Прегазено 10- годишно дете- со тешки повреди префрлено во болница

Во Куманово прегазено 10- годишно дете и со тешки повреди префрлено во болница.

Вчера во 17 часот и 25 минути било пријавено дека на улица „Доне Божинов“ во Куманово патничко возило „фолксваген шаран“, со австриски национални ознаки, управувано од Ѓ.А.(47) од Куманово удрило во 10-годишен пешак од Куманово.

Во незгодата со тешки телесни повреди се здобил пешакот, по што бил пренесен во Општата болница Куманово за укажување на лекарска помош.

Извршен бил увид на местото на настанот од увидна екипа СВР Куманово. 

Уапсен познат криминалец близок до Заев и Спасовски

Полициските сили на СВР Скопје синоќа го уапсиле Нафи Абдиоски, познат криминалец близок со лидерот на СДСМ Зоран Заев и техничкиот премиер Оливер Спасовски, пишува порталот „Лидер“.

Како што брифираат извори за порталот, Абдиоски е уапсен затоа што е осуден на шест месеци затвор, а по него се трага и за еден куп други кривични дела.

Порталот пишува дека тој е многу близок до раководството на СДСМ и во минатото прилично и вршеше работа на партијата за избори.

Освен со Заев и Спасовски, тој може да се забележи и со претседателот Пендаровски, со неговиот портарол Миле Бошњаковски, но и со Мухамед Зекири.

Популарно