Видео: Пациентка со коронавирс со видео порака ги предупредува луѓето

Тара Џејн Лангстон,39-годишна пациентка од коронавирус во Велика Британија, објави застрашувачко видео од нејзиниот болнички кревет во кое ги опишува нејзините симптоми. Дишењето сега е „како да имате стакло во вашите бели дробови“, изјави таа за MailOnline.

Таа рече дека го направила видеото за да ги предупредува сите другите кои сè уште не се оддалечуваат од социјалното дружење.

39-годишната жена која се лекува на Ковид-19, болест предизвикана од коронавирусот, направи видео од својот болнички кревет во одделот за интензивна нега како предупредување за другите луѓе навремено да се заштитат.

Во видеото, кое брзо се распространи на социјалните медиуми, Тара Џејн Лангстон им ги покажува на гледачите двете цевки во рацете и цевката за дишење што ја користеше, борејќи се за здив додека зборуваше.

 

MISERICÓRDIA!.!.!. E ainda idiotas falando que é apenas uma gripe forte ... bando de retardado .!!.!.

Posted by Luis Gustavo Moretti on Wednesday, March 18, 2020

Во видеото, таа исто така им порачува на пушачите да ги „остават цигарите“ велејќки „Сите што пушите цигари, сега откажете ги! Бидејќи сега ти кажувам, ти требаат твоите бели дробови“! рече таа.

Лангстон изјави за MailOnline дека дишењето е „како да имате стакло во вашите бели дробови“.

Лангстон, за MailOnline рече дека е во болницата Хилингдон во Лондон. Таа во видеото изјави: „Ако некој размислува да превземе какви било мерки, само погледнете ме… Затоа што ако станува навистина лошо, тогаш ќе завршите тука“. Исто така изјави дека нејзината состојба тогаш била „10 пати подобра“ отколку што се чувствувала порано.

Лангстон изјави за MailOnline дека некогаш мислела дека појавата на коронавирус е презаситена, па поради тоа го направила и видеото, за да ги предупреди колегите за  настанот што го планирале.

„И јас го имав тој став предтоа, дека тоа се измислици и глупости, едноставно се бунтував пред да го доживеам ова – не бев човек што би ја купил целата таа хистерија и паника“, рече таа. „Но, тогаш го добив коронавирусот и никогаш повеќе не сакам да доживеам нешто слично на тоа, бидејќи тоа беше длабоко непријатно искуство“.

MailOnline ја опиша Лангстон како здрав гимнастичар и како што е под 70 години, не се смета дека е изложена на голем ризик од сериозен случај на Ковид-19. Таа рече дека другите луѓе што ги видела во болницата изгледале дека се постари околу 50 или 60 години.

Откако го снимаше видеото Џејн делумно се опорави и е иселена од МКГ, објави во четвртокот „МаилОнлајн“.

Од петок, Велика Британија објави повеќе од 3.000 случаи на коронавирус и повеќе од 140 смртни случаи. Сепак, властите во Велика Британија рутински ги тестираат само луѓето кои веќе се во болницата, така што вистинската бројка е веројатно поголема. А премиерот Борис Џонсон во понеделникот повика на прекин на сите движења и дружење, но многу луѓе го игнорираа ова. Тој апелираше до граѓаните да ги прекинат и избегнуваат сите „небитни“ контакти и патувања, вклучувајќи го и дружење во пабови или ноќни клубови. Премиерот истакна дека без овие мерки, случаите на коронавирус може да се удвојуваат на секои пет или шест дена.

Но, без директна наредба да се затворат, пабовите и другите бизниси сè уште беа преполни со луѓе оваа недела, особено за прославите на Денот на Свети Патрик во вторникот, објави во средата „Метро“.

Луѓето го славеа Денот на Свети Патрик во Единбург, Шкотска, во вторникот и покрај предупредувањето на премиерот да се избегнат социјалните собири.

Таа исто така рече дека болницата снемува маски за лице и како видела една медицинска сестра дека користи нешто што личело на целофан над лицето.

Нејзиниот сопруг изјави за MailOnline дека Лангстон добро се чувствувала откако го направила видеото и сега и треба многу помалку кислород.

Извор:Мое здравје

Предлог за денешен ручек

Посни шницли во сос од печурки

СОСТОЈКИ:

1 шолја ориз

2+2 лажици брашно

бибер

сол

масло

2 лажици суви печурки

НАЧИН НА ПОДГОТОВКА:

Оризот исчистете го, измијте го, згответе го, изладете и измешајте со една полна лажица брашно. Додајте малку бибер и сол, па од добиената маса правете шницли и секоја извалкајте ја во брашно (од прилика 2 лажици).

Во тенџере ставете масло, добро загрејте, па пржете ги шницлите.

За сосот, измијте и згответе печурки во солена вода. Исечкајте ги на тенки резанки, малку пропржете ги на масло, па додајте лажица брашно и посолете по вкус.

Шницлите од ориз наредете ги на чинија па прелијте ги со сос од печурки.

Извор: Готви.мк

Погледнете зошто губењето на сетилото за мирис може да е симптом на Ковид-19

Поминаа четири дена од инфекцијата за која постоеше сомнение дека е коронавирус, кога Оливија Хејнс сфати дека не може да мирисне ниту да вкуси ништо, пренесува „Тајм“. Нејзината сува кашлица и треска на кратко се смируваа и апетитот се врати, па самата си зготви шпагети болоњез. Таа првично помисли дека не го зготвила добро јадењето бидејќи било блуткаво. „Искрено, ми беа потребни три оброци за да сфатам дека не можат да сетам ниту вкус ниту мирис“, изјави таа телефонски за „Тајм“ од нејзиниот дом во Лондон, каде се самоизолираше. „Луѓето не зборуваа за тоа (како симптом), па затоа не го барав“.

Со оглед на тоа дека сè повеќе луѓе ширум светот се инфицираат од новиот коронавирус, се зголемува и бројот на луѓе кои пријавуваат губење на мирис, а некогаш и вкус, тврдат лекарите. „Во последните 48 часа, или можеби 72, слушнавме за околу 500 пациенти кои го изгубиле сетилото за мирис“, вели д-р Нирмал Кумар, претседател на ЕНТУК, здружение на британски специјалисти за уво, нос и грло. Вообичаено, вели Кумар, добиваат околу еден извештај за изгубено сетило за мирис или вкус месечно. Сега, има многу повеќе. „Никогаш не било толку често како што е сега“, вели тој. „И ова е само мал број од многуте“.

Кумар не е единствен. Во Јужна Кореја, каде што тестирањето за Ковид-19 широко се применува, околу 30 отсто од пациентите со лесни симптоми пријавиле аносмија, технички термин за губење на сетилото за мирис. Лекарите од Кина, САД, Иран, Италија и Германија – сите места со значителни жаришта на Ковид-19 – исто така забележаа пораст на извештаите за аносмија поврзани со потврдени случаи на коронавирус, се вели во писмото објавено во петокот од ЕНТУК и Британското оторинолошко здружение. Во писмото, потпишано од Кумар и испратено до јавните здравствени власти, се бара лекарите кои лекуваат лица со аносмија да добијат лична заштитна опрема додека ги третираат тие пациенти.

Симптомот, вели Кумар, се појавува и кај наизглед здрави луѓе, што укажува дека губењето на сетилото за мирис може да биде витален показател за тоа дали некој го носи вирусот и без да знае – особено во Велика Британија, каде тестовите за вирусот се достапни само во болници и тоа за најсериозните случаи, оставајќи многу луѓе со благи симптоми, несигурни дали се заразени од коронавирус или обичен грип. „Многу пациенти кои го пријавуваат ова имаат благи Ковид-19 симптоми, понекогаш малку кашлица, а понекогаш и треска, но има пациенти кои не пријавуваат други симптоми“, вели тој. „Тоа е драматичен показател. Во мојата пракса, пациентите околу мене го покажуваат тоа. Затоа, има многу преносители наоколу “.

Кумар и другите лекари ги повикуваат властите на глобално ниво да го додадат губењето на сетилото за мирис на списокот на симптоми што би индицирале самоизолација. „Чувствувам дека треба да го додадеме ова во правилата за самоизолација, затоа што овие млади луѓе го шират наоколу“, вели тој. Иако сè уште нема научни студии за врската помеѓу Ковид-19 и аносмијата, Кумар шпекулира дека отапувачкиот ефект е предизвикан од вирусот што се меша со мукозната мембрана во горниот дел на секоја носна шуплина, каде се наоѓаат рецепторите за мирис. „Очигледно постојат многу шпекулации во моментов“, вели Кумар. „Но, овие вируси, кои се очигледно многу, многу мали честички, одат во горниот дел на носот. И тука влијаат на рецепторите за мирис, кои се многу деликатни органи “.

Многу луѓе, кои го изгубиле сетилото за мирис првично се обратиле на Твитер за одговори, особено оние кои немале други симптоми на Ковид-19. Еден од нив беше наставник во училиште по име Роберт, од северниот дел на Англија, кој додека јадел бонбони за време на викендот сфатил дека не може ништо да вкуси или помириса.

Роберт, кој побара да биде наведен со псевдоним, заминал на работа во понеделникот, не знаејќи дека неговото губење на сетилото за мирис може да укаже на Ковид -19. (Тој немал други симптоми.) Иако училиштата во Велика Британија сега се затворени за повеќето деца, тој сепак морал да надгледува мала група деца на вработени во суштинските дејности, како лекари и медицински сестри. „Јас дури и не помислив дека е можно тоа да е поврзано“, вели тој.

Неможејќи да добие тест за коронавирус поради ограничувањата за тестирање во Велика Британија, Роберт се обрати на Твитер во понеделникот вечерта. Во идеална ситуација, никој не треба да се потпира на социјалните медиуми за медицински совет, но со оглед на тоа колку брзо се движи оваа пандемија и колку сè уште има непознаници за коронавирусот, многумина сметаат дека немаат друг извор. На Твитер, каде што многу луѓе – вклучително познати личности и британската министерка за здравство, Надин Дорис (која беше тестирана позитивно на вирусот), објавија дека го губат сетилото за мирис, Роберт прочитал дека може да има врска помеѓу неговите симптоми и Ковид-19. Тој веднаш решил да се изолира и да му каже на својот работодавач. Во Лондон, каде сè уште се бори со лошите симптоми по 10 дена инфекција, Хејнс се обидува да се мотивира да јаде без сетилото за вкус. „Во ситуација кога и онака не сте гладни и се обидувате да ставите нешто во стомак, навистина е очајно“, вели таа. „Особено кога сакате само утеха во храната“.

Овој предмет лесно пренесува коронавирус - погледнете за кој предмете станува збор

Во броба против пандемијата коронавирусот принудени сме времето да го поминува во домашна изолација, а домот го напуштаме тогаш кога е тоа неопходно. Со движењето ризикуаме да се заразиме со Ковид-19 затоа што тој може да се пренесе и преку воздухот, доколку заразена личност кива или кашла или допираме контаминирани предмети.

Со оглед на тоа дека една студија докажала дека новиот коронавирус преживува и на цврсти површини, експертите напоменуваат дека би требало да обрнеме внимание на својата облека која ја носиме.

Имено, многу лесно може да се инфицираме со Кивид-19 преку нашите чевли кои се носат на прометни места, како што се канцеларии, јавен превоз и трговски центри. А, еднаш кога вриусот ќе се најде на синтетичка ткаенина, може да остане таму со денови.

Докторката Мери Е. Шмидт рекла дека коронавирусот може да остане на чевлите „пет дена или повеќе“. Поради тоа, паметно би било да ги оставате пред врата за да спречите вирусот да се вовлече во вашиот дом. Експерт за јавно здравје, Карол Винер, која работи во Канзас Сити, препорачува тоа да се прави секој ден.

-Целта е да не го прошириме по целиот дом. Втората опција е својата облека да ја напрскате со некое дезинфекционо средство или да ја исчистите со сапун и вода - објаснува Карол.

Кога влегувате дома, исто така неопходно е да ги измиете рацете. Здравствените работници препорачуваат рацете да ги миете најмалку 20 секунди секогаш. Секогаш проверете дали ракавиците ви се чисти пред да  го допрете лицето.

Популарно