Опаѓа бројот на заболени и починати - Дали Италија веќе го достигна пикот?

Вкупно 651 нови смртни случаи беа регистрирани вчера во Италија од Ковид-19, што е речиси 20 проценти намалување на смртноста во однос на претходните 24 часа, кога 793 лица починаа од вирусот – со што вкупниот број на смртни случаи изнесува 5.476 од вкупно 59.138 случаи. Дневната стапка на нови инфекции исто така забави, со пораст од девет проценти, споредено со просек од околу 15 отсто во изминатите две недели.

Здравствените власти предупредуваат дека битката сè уште не е добиена, но италијанските власти по првпат внимателно изразија надеж за скоро повлекување на коронавирусот.

– Бројките објавени денеска се помали од вчера. Се надевам, и се надеваме дека намалувањето ќе биде потврдено деновиве. Но мораме и натаму да бидеме внимателни – изјави синоќа шефот на Цивилната заштита Анџело Борели.

– Не смееме претерано да се занесуваме, ниту да даваме преголема важност на денешните податоци, но тоа е знак на кој гледаме позитивно. Првите строги мерки на изолација се донесени на 11 март. Очекувавме резултати по две до три седмици. Значи, следната седмица секако ќе биде пресудна и очекуваме потврда дека трендот е сега обратен – истакна Францо Локатели, челник на италијанските санитарни власти.

И во Јужна Кореја денеска е забележен најмал број на нови случаи со Ковид-19 од 29 февруари, што укажува дека најверојатно се намалува епидемијата во најпогодената азиска земја по Кина.

Корејскиот Центар за контрола на болести и превенција (КЦДЦ) денеска потврди 64 нови инфиоцирани лица со новиот коронавирус, со што вкупниот број се искачи на 8,961 лица, а едно лице почина, со што цифрата на смртни случаи изнесува сто.

Јужна Кореја 12. Ден по ред бележи околу 100 инфицирани лица или помалку во споредба со 29 февруари, кога беа потврдени 909 случаи.

Американците тотално заборавија на тоалетната хартија

Продажбата на марихуана во САД расте бидејќи  луѓето се присилени да останат дома поради ширење на коронавирусот.

Затоа берзата на повеќето големи компании за канабис се зголеми нагло оваа недела по извештаите за голема побарувачка бидејќи потрошувачите се обидуваат да создадат снабдување од страв од затворање на продавници низ САД.

Според извештајот минатата недела, во Калифорнија и во Вашингтон, продажбата на марихуана скокна повеќе од 50 проценти, а се очекува продажбата да се зголеми и во другите држави.

Во Калифорнија и Њујорк продавниците за канабис се затворени, како и сите други продавници кои не се од витално значење.

Производството и продажбата на канабисодбиваат да ги затворат продавниците во држави каде марихуаната е легална.

ДЕТАЛИ ЗА ТРАГЕДИЈАТА: Татко и син од Македонија убиени во Швајцарија- уапсено едно лице

Наум Колев (47) и неговиот син Доне (23) од струмичкото село Мокриево се убиени во Швајцарија во местото Соренс, во кантонот Фрибург. Нивните тела вчера биле пронајдени на фарма за коњи покриени со арско ѓубре, објавија швајцарски медиуми, а веста ја потврдија и жители на селото Мокриево.

Според швајцарскиот интернет портал „20 минути“, „татко и син, на возраст од 47 и 23 години, населени во кантонот Вауд, биле пронајдени мртви во регионот на Соренс (ФР). Тие веројатно биле убиени од огнено оружје, проценува кантоналната полиција на Фрибург“, пишува овој портал.

Семејството Колеви петнаесетина години живееле во Швајцарија и важеле за мирно и работливо семејство. Според струмичани што живеат таму, таткото и синот заминале во вторникот навечер од својот дом за да си ги повлечат дадените пари за купување на земјоделска механизација.

-Голема трагедија. Наум го знам од дете и неговиот животен пат. Беше чесен, кроток и работлив. Станува збор за прекрасно семејство, рече Петар Спасов, жител на селото Мокриево и поранешен градоначалник на општина Ново Село.

Според швајцарски медиуми, за убиството се сомничи триесет годишен маж, кој е уапсен и ја признал вмешаноста во убиството. При претресот кај него било пронајдено огнено оружје, а полицијата треба да ги утврди точните околности под кои биле убиени таткото и синот.

Рекордно зголемен број на заразени за 24 часа

Русија објави рекордно дневно зголемување на лицата заразени со новиот коронавирус.

Во текот на изминатите 24 часа, во Русија се пријавени нови 196 случаи, соопшти Националниот оперативен штаб за борба против ширењето на вирусот. Вкулниот број заразени во Русија достигна 1.036 во 58 региони.

Во Русија вчера почина едно лице и со тоа вкупниот број на починати лица од коронавирусот достигна до четири.

Седум лица се оздравени и со тоа вкупниот број на оздравени лица од коронавирусот во Русија е 45.

Популарно